ინფორმაცია ფილმზე: დასახელება: ფიროსმანი გამოსვლის წელი:1969 ჟანრი: დრამა დამდგმელი რეჟისორი: გიორგი შენგელაია სცენარის ავტორები: ერლომ ახვლედიანი, გიორგი შენგელაია დამდგმელი ოპერატორები: ალექსანდრე (საშა) რეხვიაშვილი, კონსტანტინე აპრიატინი, დუდარ მარგიევი დამდგმელი მხატვრები: ავთანდილ ვარაზი, ვასილ არაბიძე კომპოზიტორები: ვახტანგ კუხიანიძე, ნოდარ გაბუნია ხმის რეჟისორი/ოპერატორი: ოთარ გეგეჭკორი მემონტაჟე: მანანა ყარალაშვილი მონაწილეობენ: ავთანდილ ვარაზი (ფიროსმანი), დოდო აბაშიძე, ზურაბ ქაფიანიძე (უშანგი), თეიმურაზ ბერიძე, ბორის წიფურია (დიმიტრი), შოთა დაუშვილი, მარგო გვარამაძე, ნინო სეთურიძე, როზალია მინჩინი, გივი ალექსანდრია, ალექსანდრე (საშა) რეხვიაშვილი, ამირ კაკაბაძე, სამსონ სულაკაური, გიორგი ჟუჟუნაშვილი, ია ხობუა (ნათლიდედა)
ფილმის შესახებ:
მირზაანიდან თბილისში ჩამოსულმა თვითნასწავლმა მხატვარმა ნიკო ფიროსმანაშვილმა ერთხანს მატარებლის გამყოლად იმუშავა, მერე დუქანი გახსნა, მაგრამ ვაჭრობას ალღო ვერ აუღო და დუქნების მოხატვას მიჰყო ხელი. ნაშოვნ გროშებს საღებავსა და ჭიქა ღვინოში ხარჯავდა, კაფე-შანტანის ფრანგ მოცეკვავე ქალზე, მარგარიტაზე ოცნებობდა... ერთხელ დუქანში შესული მხატვრები ნიკალას ნამუშევრებით დაინტერესდნენ, კითხვა-კითხვით მიაკვლიეს და მხატვართა საზოგადოების შეკრებაზე მიიწვიეს. გახარებულ ნიკალას პროფესიონალებთან გასაუბრების საშუალება მიეცა, მაგრამ მხატვრებმა ფიროსმანის ხელოვნება არ აღიარეს და გაზეთში მისი კარიკატურა გამოაქვეყნეს. მარტოსულმა, ავადმყოფმა ნიკალამ სიღატაკეში დალია სული.
